حهزى زێرِین .... ئارام ئهبوبهکر
نێردراوە لەلایەن admin لە July 19 2010 00:43:02
ئهگهر هاتى لێم مهپرسه ،
بۆچى وا هێنده بێزارم
سهرسام مهبه كه ئهمبینى ..
ههورى ئاسمانى ئازارم .!
هەوڵی درێژکراو
حهزى زێرِین _
ئهگهر هاتى لێم مهپرسه ،
بۆچى وا هێنده بێزارم
سهرسام مهبه كه ئهمبینى ..
ههورى ئاسمانى ئازارم .!
ئهگهر هاتى خهم مهخۆ بۆم ،
با پهپولهى خهندهت نهمرێ
مهگرى بهسهر لاشهى سڕما ..
نهوهك دڵت بهرگه نهگرێ .
گهر هاتى شێتانه وهره ،
ترس و شهرم بده له خاچ
پاش سڵاوێك وهره پێشىَ و
لێوى وشكم بشۆ به ماچ !.
*******************
_ ترسێكى پڕ له شهرم _
بێدهنگ وهره ناو دڵمهوه ،
پێویست ناكات پێمكهى پرس
ئهو كهسهم ئارهزوت لێیه ،
من تێناگهم تاكهى ترس ؟.
وهره له ئاسمانى دڵما ،
بۆخۆت بده له شهقهى باڵ
ههتاكهى به گۆشهگیرى ...
كۆرپهى ئاوات ئهنێیته چاڵ ؟.
ده شوشهى شهرمت بشكێنه ،
خۆشحاڵ ئهبم به ناسینت
بهڵێن ئهدهم خۆم و دڵم ...
ببین به هێماى ئهوینت .
ساڵانێكت به سادهیى ،
لهگهڵ مهراقدا برده سهر
وهره ، بۆچى لهمه زیاتر ...
بهرگى ژانت بكرێته بهر ؟!.